JAGONET galde-erantzunak
Orduak adieraztea: komunztadura (eta erdiak / *eta erdia)
Ordua nola esan delako arauak (35. araua) erakusten du arazo bat komunztadurarena dela; baina gero ez du aipatu ere egiten. Arazoa konkretuki gertatzen da ordu bataren kasuan, adibidez: ordu bata eta hamar da/dira, ordu bat eta erdiak dira/da? Zein hobetsi behar da kasu bakoitzean?
35. arauan ez da ezer aipatzen, adibiderik ere ez zelako aurkitu Orotariko Euskal Hiztegiko corpusean. Badirudi ordu bat eta erdiak den neurrian, hau da, plural-marka ezartzen zaion neurrian dira izango litzatekeela.
Informazio gehigarria:
- "orduak nola esan" (EBE)
- Ikus hau ere: "Orduak adieraztea: zenbait zalantza" (JAGONET)
Zalantza-mota: morfologia > orduak, morfologia > mugatzaileak, sintaxia > komunztadura
Unitate-mota: hitzak-aditzak > komunztadura, hitzak > determinatzaileak, hitzak > izenak, zenbakiak > orduak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
