Inés (es), Agnès (fr), Agnes (en)

Grezierako (H)agné 'aratza, garbia'-tik dator, latineko Agnesen bitartez. Herri-etimologia dela medio Agnus Dei-rekin lotu zen. Santa Aines Erroman hil zuten, III. mendean, Dioklezianoren garaian. Aines eta Añes Ipar Euskal Herrikoak dira eta Ines eta Inesa Hego Euskal Herrikoak. Santuaren eguna urtarrilaren 21ean da.

• 66. araua: Santutegiko izen ohikoenak (2019)

Ángel (es), Angela (es), Angèle (fr), Angela (en)

Grezierako ángelos 'mezularia' hitzetik latineko angelus sortu zen, eta hemendik euskarazko aingeru. Ezagutzen dugun aipurik zaharrena Basaburu Nagusiko (Nafarroa) 1552ko Aingeru de Igoa da. Duen zabalkundea umeak zaintzen dituen aingeru guardakoarekiko begiruneari zor zaio, izen hau ematearekin haurra babestuago egongo dela uste izaten baita. Aldaera: Gotzon (Deun-ixendegi euzkotarra).

• 66. araua: Santutegiko izen ohikoenak (2019)

Ángeles (es), Angèle (fr)

Grezierako ángelos 'mezularia' hitzetik latineko angelus sortu zen, eta hemendik euskarazko aingeru. Duen zabalkundea umeak zaintzen dituen aingeru guardakoari zor zaio, izen hau ematearekin haurra babestuago egongo dela uste izaten baita. Italiako Santa Angeles santuen egunak urtarrilaren 4an eta 27an dira.
Aldaera: Gotzone (Deun-ixendegi euzkotarra).

Ikus Ainara.

Lapurdin eta Nafarroa Beherean arrunta den ainitz hitzaren aldaera. Ikusi ainitz, anitz, aunitz eta asko.

Nafarroa Behereko herria, 1841. urtean Monjoloserekin udalerri bakarra osatzeko elkartua. Ainhizen, Galtzetaburuko gurutzearen ondoan, Nafarroa Behereko batzarrak egiten ziren.

Lapurdiko herria eta Andre Mariaren adbokazioa. Garai batean lapurtarrak, debozio handiz, Arantzazura joaten ziren erromes, Pazkoaren bigarren egunean. Beranduago, gerrengatik muga itxi zutenean, ainhoarrek herrian bertan eraiki behar izan zuten Arantzazuko kapera. Ikus Arantza eta Arantzazu.