Euskara eskuz esku

39. araua. Zenbait aditzen erregimena

Gramatika-atalak: Sintaxia

Aditz-erregimenari dagokionez, azpimarratzekoa da aditz batzuek nor-nork forma hartzen dutela (erran nahi baita du aditz laguntzailearen formarekin), beste batzuek nor-nori-nork (dio aditz laguntzailearen formarekin) forma eskatzen dutelarik.
Gonbidatu aditzak du (*edun aditz laguntzailea) eskatzen du euskara batuan.
Mikel afaltzera gonbidatu dute eta ez *gonbidatu diote.
Iguriki eta igurikatu aditzek du (*edun) eskatzen dute euskara batuan.
Ez dute bertzerik igurikatzen eta ez *diote.
Batak bestea igurikatzen zuen eta ez *zion.
Itxoin eta itxaron aditzek dio (*edun) eskatzen dute objektua dutenean.
Mireni itxoin zioten eguerdi arte.
Baina objekturik gabe du (*edun) eskatzen dute:
Egongelan itxoin dute goiz osoan.
Deitu, lagundu aditzekin du (*edun) edo dio (*edun) erabil daitezke.
Mikeli deitu diogu (Hegoaldea) / Mikel deitu dugu (Iparraldea)
Mikeli lagundu diote (Hegoaldea) / Mikel lagundu dute (Iparraldea)

gonbidatu dute, igurikatzen du, deitu du (deitu dio Hegoaldean), lagundu du (lagundu dio Hegoaldean)

*gonbidatu diote, *igurikatzen dio

39. arau osoa ikusi

720. fitxa, 806. fitxa, 861. fitxa, 394. fitxa