Plazaberri

Roberto Gonzalez de Viñaspre: "Etorkizun itxaropentsua du euskarak Errioxan"

  • Araba Euskaraz-ekin bat egin du, gaur, Euskaltzaindiak, eta Bastidan izan dira, goiz partean, Patxi Uribarren euskaltzaina, Roberto Gonzalez de Viñaspre Akademiaren Arabako ordezkaria eta Erramun Osa idazkariordea. Arabako ikastolen aldeko jaialdian, Gonzalez de Viñasprek mezu positiboa helarazi nahi izan du, gaurko egun eguzkitsua baliatuz: "Errioxako lur emankorrean erein zuen hazia Bastida ikastolak 1979. urtean, eta harrezkero fruitu emankorrak bildu ditu ikasturtez ikasturte. Egungo lana ere bihar-etziko zimentarri sendoa izango da, dudarik gabe. Etorkizun itxaropentsua du euskarak Errioxan, eta ikastola honetako eta oro har Errioxako neska-mutil guztiak dira etorkizun itxaropentsu horren jabe".
  • Bastidako irakasle, ikasle eta gurasoen esfortzua ere goraipatu du euskaltzain urgazleak, eta Euskaltzaindiaren esker ona helarazi die "eguneroko jardunean euskararen alde egiten ari diren guztiagatik".

    IMG 3749
    (Euskaltzaindiko ordezkariak, Araba Euskaraz-en)

    IMG 3699

 

Sebas Gartzia Trujillok 'Hamaika euskal literato eta Jainkoa' liburua plazaratu du

  • Atzo, Sebas Gartzia Trujillo Elizbarrutiko Teologia eta Pastoraltza Institutuko kolaboratzaile eta euskaltzain urgazleak hamar urteko lanaren fruitua aurkeztu zuen Bilbon, Andres Urrutia euskaltzainburua, Jon Kortazar katedraduna eta Angel Mari Unzueta bikario nagusia ondoan zituela. Egileak liburua ontzeko ideia nondik sortu zen eta lana egiten zegoela izan zituen gazi-gozoak eman zituen aditzera.
  • “Niretzat liburu hau grazia bat izan da, idatzi ahala nire sinismen esperientzia aberastu egin baita”, onartu zuen Gartzia Trujillok berak, prentsaurrekoan.

    IMG 8497
    (Gartzia Trujillo, atzoko agerpenean, Andres Urrutia euskaltzainburuarekin eta Angel Mari Unzueta bikario nagusiarekin)

 

Joan Mari Irigoien omenduko dute Beasainen

  • Larunbat honetan, ekainak 17 dituela, Goierriko Lehen Irakurle Taldeen Topaketa antolatu dute Beasaingo Dolarea Parkean. Arratsaldeko seietatik aurrera izango da zita, eta Joan Mari Irigoienen Consummatum Est (Elkar, 1993) liburua izango dute mintzagai, ondoren omenaldia egingo diotela Altzako idazle handiari, euskal literaturari egin dion eta egiten ari zaion ekarpena eskertzeko.

    220px Joan Mari Irigoien
    (Joan Mari Irigoien)

 

“Gizartearen gure hizkuntzarekiko jarrera inoiz ez da izan gaurkoa bezain aldekoa"

  • Bingen Zupiria Eusko Jaurlaritzako Kultura eta Hizkuntza Politikako sailburuak eman dio hasiera, gaur, 'Euskarak tokia hartu ahal izateko hizkuntza politikaz' izeneko mintegiari. Euskaltzaindiak eta Sabino Arana Fundazioak antolatu dute jardunaldia, Bilbon.
  • Euskal Autonomia Erkidegoko, Nafarroako eta Ipar Euskal Herriko hizkuntza-politikako arduradun nagusiak batu dira, lehenengo aldiz, etorkizunean gara litezkeen lan-ildoei buruzko iritziak trukatzeko.
  • Entzuleen artean, gizarte eragile ugari. Tartean, Aitor Aldasoro (EUDEL); Lorea Arakistain (PUNTUeus); Iñaki Alegria (UEU); Arantza Atutxa (Gerediaga); Jokin Azkur (HABE); Alberto Barandiaran (Hekimen); Imanol Urbieta (UZEI); Ana Eizagirre (BIGE); Jasone Osoro (EIE); Maddi Etxebarria eta Leire Cancio (Elhuyar); Xabier Euzkitze (Donostiako Udala); Nere Jone Intxaustegi (Deustuko Unibertsitatea); Garbiñe Iztueta (Etxepare); Imanol Larrea (Soziolinguistika Klusterra); edo Mertxe Mujika (AEK).

    image12
    (Gaurko mintegian parte hartu duten politikari eta gizarte eragileak)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

  • Cub 17 Jagon 6 PR4
    'Euskal Elkargoaren sortzea eta euskararen geroa'

    Prestatzailea: Jean-Baptiste Coyos

  • 'Esteve Materraren doctrina christiana (1617 & 1623). Edizioa eta azterketa'

    Egileak: Dorota Krajewska, Eneko Zuloaga, Ekaitz Santazilia, Borja Ariztimuño, Oxel Uribe-Etxebarria, Urtzi Reguero

  • 'Toponimia de Vitoria - Gasteizko Toponimia VI. Arratzua II'

    Egilea: Elena Martínez de Madina

  • 'Sierra de Toloño, nexo de la Montaña y la Rioja Alavesa'

    Egilea: José Ángel Chasco Oyón

  • 'Sociedad y Lengua Vasca en los siglos XVII y XVIII'

    Egilea: Juan Madariaga Orbea

  •  

  • Argitalpen guztiak ikusi