JAGONET galde-erantzunak
Zenbakiak: metro bat / lagun bat; 1 m / 1 lagun
1 m (metro bat) esapidean zenbakia neurriaren aurrean idatzi ohi da; adibidez, 1 metro oihal. Substantiboa neurria ez denean ere berdin idatzi behar al da? Adibidez: 1 lagun...
Euskaltzaindiak arautu gabeko auzia da, baina badira ohitura errotu batzuk.
Joskera normalean ―idazkera ez-sinbolikoan― ez da egokia formulazio hori (*bat lagun ikusi dut). Baina koadro, zutabe, zerrenda eta tankerakoetan, unitate modura bistaratu edo ikusarazi nahi denean, oso praktikoa da eta zilegizkoa.
Informazio gehigarria:
- "Zenbakiak: bat idaztea eta irakurtzea (1 metro / metro bat)" (JAGONET)
- "sinboloak (nazioartekoak)" (EBE)
- "bat zenbatzailea" (EBE)
- Zientzia eta teknikako euskara arautzeko gomendioak (EIMA), 72. or.
- Ortotipografia (EIMA), 41. or.
Zalantza-mota: ortografia > sinboloak/ikurrak, ortografia > zenbakiak
Unitate-mota: joskera > hitz-ordena, karaktereak > zenbakiak, zenbakiak > kardinalak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
