Toponyms (Place names)

(...)
Pieza de los Clérigos XIX. mendeaz geroztik Pieza de los Curas deitzen dena da, Apeztegialorra alegia. Gortea berriz Uxue eta Pitillasen arteko mugan zegoen, ez dakigu lehen herrian ala bigarrenean.
(...)

(...)
Elizaren alor hau non zegoen ez dakigu. Agian Piezas de la Abadía direlakoetako batekin identifikatu behar genuke.
(...)

(...)
Hauetako bat Paso de Apeztegialorra-ren ondoan dagoen oraingo Pieza de los Curas da. Euskaraz Apeztegialorra esaten zitzaiola garbi ikusten da lekukotasun honetan.
(...)

(...)
Apeztegialorra edo Pieza de los Clérigos-en adierakidea da.
(...)

(...)
Apez eta alorra ditugu 1811ko Apezalorra eta 1816ko Apezalorrea-n. Hala ere, eta XIX. mende arte agertzen ez denez gero, ez dakigu Apeztegialorra zaharragoaren itxuragabetzea ez ote den, halabeharrez edo bestela apez eta alorra-z osaturikako toponimotako har badaiteke ere. Egungo Pieza de los Curas bera dela gauza segurua da. "Boyeral" delako hori gaurko El Vedado herri-mendia da, eta bi errekak gaurko Pieza de los Curas-en ondoan, Paso de Apeztegialorra-n bertan elkartzen diren Zapaiz eta Dorrondiaga-koak dira.
(...)

(...)
Toponimo honen bi osagaiak apeztegi 'apezetxe' (apez + tegi 'lekua' eta 'etxea') eta alorra 'lantzen den lur-zati mugatua' dira. Toki-izen hau erromantzezko Pieza de la Abadía-ren ordain zehatza da. Antzeko esanahia dute aipatu dugun Apezalorra, Pieza de los Curas, Pieza(s) del Priorato, Pieza del Prior eta Pieza Prioral toponimoek, eta hauetako batzuk gainera aztergai dugunaren erreferentziakideak dira. Galipentzun Uxueko izen honen anaia bizkia den Apeztegialorra agertzen da (ikus sarrera hau). Apeztegialorra-k gaurko Paso de Pistalorra [pìstalórra] toponimoan iraun du bakarrik. Pausu honen ondoan Pieza de los Curas deritzan alorra dago, eta hau, dokumentazioko erreferentziekin batera, aski da Pistalorra hori Apeztegialorra-ren desitxuraketa besterik ez dela frogatzeko (ikus Abadía sarrera). 1609an Apeztigui alorra dugu, 1748an Apestalorra, 1753an Apectialorra, eta 1756an Apeztedialorra (ikus Dorrondiaga).1825ean La Pistalorra dokumentatzen da, eta 1892rako egun bizirik dagoen Pistalorra aldaera. Desitxuraketa prozesua, gutxi gorabehera, hau izan da. Apeztegialorra (1605) > Apestalorra (1748) edo Apeztialorra (1753) > Lapistalorra (1825) > Pistalorra (1892 eta orain). Paso de Apeztegialorra Murilloko bidea eta Zapaiz eta Dorrondiaga-ko errekak batzen diren guneko pausua da [1892ko katastroan aurkitu dugu aurren aldiz]; Alto de apeztegialorra Dorrondiaga-ko mendia izan zitekeen edo agian Aurino.
(...)