Toponyms (Place names)

(...)
San Gines Pérez Olloren arabera emakume monastegia izan zen lehenik, eta ermita gero: "Acaso la ermita más ilustre fuera la de S. Gines monasterio femenino sobre el paso del camino viejo. En él ingresó en 1934 Theresa, madre de Godofre, hijo de Carlos III el Noble... A S. Gines pertenecía Toda Martiniz, monja, peregrina y romera de la infanta Juana, la hija mayor del mismo rey. Aún era monasterio en 1417 cuando los de S. Martin de Unx acusan a los de Lerga de haberse anexionado algún término de ellos" [EN, 143. or.] Autore honek dioenez 1802an Igual de Soriak San Gines, San Miguel eta Nuestra Señora del Camino botatzeko agindua eman zuen, materialekin Santa Bárbara-ko ermita berriztatzeko. 1811rako hondatua zegoela segurua da. Ermitatik hurbil etxea (benta) zegoen. 1684ean bazen honetaz arduratzen zen maizter bat. Bentari beste era batera Tabernas de San Gines (ikus Muga de las Tabernas de San Gines sarrera) deitu ohi zitzaion. Bertan esan dugunez merkatua izaten zen, sortzen zituen traba eta eragozpenengatik 1712an [LEA, G. Sarasa, 117. org.] Lergara tokialdatu zen arte. Ermitak alor bat baino gehiago zeukan Lergako lurretan. Bat Euntzeberri ondoan zegoen, Anderenobela-n eta beste batzu Arrizabala-n. San Gines-eko bentak ere bazuen alor bat, Monda-n bertan. Alto de San Gines 1829an azaltzen da bakarrik, eta San Gines ondoko, baina itxuraz Uxue barruko, gaina ematen du aditzera [Nafarroako Diputazioak 1975ean argitaratutako mapan Alto de San Gines ermitaren ondoko gainari deitzen zaio, Burlon-en ondokoari.]. Cuesta de San Gines Uxueko bidean dago, "Corral de Zapata" eta auzo herri horretako mugaren artean. Puente de San Gines, Barranco de Txirrialdea-ko zubia izan zitekeen, San Gines-a doan bideko Puente grande edo Puente de Nuestra Señora bera, eta Val de San Gines agian egungo Hoyo del Aguila aldea. San Gines [sànxínes] (cf. Santa Agata [sàntagáta]) Uxue, San Martin, eta Lergako mugek bat egiten duten alderdian dago, Pérez Ollok "camino viejo" deitzen duen Camino de Tafalla-ren ondoan (ikus sarrera hau), Monda, Burlon, Indusi, Murubitarte, eta San Ginesondoa-ren artean, azken honetatik orain Hoya del Aguila deitu zuloak bereizten badu ere.
(...)