Toponyms (Place names)

(...)
El Ferial Aragoa ugaldearen ertzean barrena hedatzen da, Lejua-tik Zamakidoi-raino. Mendebaldetik Zabaleta eta Aurino alto-rekin mugatzen du. Ferial feria-ren eratorria dela garbi dago, baina hala ere, ez dugu bertan feriarik egiten zelako lekukotasunik. El Ferial herritik ordu eta erdira dago, oinez joanez gero, inguruko herrietatik urrun, eta ez dugu uste feriak egiteko oso toki egokia denik [Bardean ere Fuente del Ferial (eta El Ferial, dirudienez) dugu (Las Bardenas Reales, mapa), eta hau ere ez da feriak egiteko leku aproposa.]. Guztiarekin ere, Lergako San Gines ere mendian dago, eta XVIII. mendearen erdi aldera arte bertan egiten ziren feriak (ikus Lergako sarrera hau). Cuesta del Ferial Camino de Murillo-tik Aurino alto eta Portillo de Chinchón-era doan bideko aldapa da, eta Portillo del Ferial Lejua bukatu eta El Ferial hasten den gunean dago, Murilloko bidean.
(...)