Toponyms (Place names)

(...)
El Rebote-k 'pilota-jokua', 'frontoia' adiera ohi du, eta Leatxen ere horrela da, bertako frontoia bitxi samarra denagatik. Izan ere, lehengo Ermita de San Martín hondatutik zutik gelditu den horma bakarrean ari izaten dira (edo ari izaten ziren) leatxearrak pilotan. Oibarko mugatik hurbil dagoen beste El Rebote (de Salaverri), ordea, herritik urrunxko dagoen alor piku xuta da, eta duen izena metafora baten ondorea dela garbi dago, bertan ez baita sekulan pilota-jokurik izan. La Plaza ere herritik kanpo dago, hurbil hala ere, eta bion artean erlazio zerbait dagoela pentsa daiteke, kontuan hartzen bada Larunbeko Plaxa (< Plaza) edo Platxa (< Plaxa) [B. Estornés Lasak Platzaberri eta Platzabizkarra toponimoak biltzen ditu Izaban, eta biak plazak direla dio (DTR, 386. or.). Mitxelenak plazta ematen du erronkarierako (ikus Uxueko Placeta sarreran dioguna), eta ez dakigu Estornésen platza nahasketa baten ondorioz izen beretik ateratako zerbait den ala beste aldaera bat. Arakil-Uharten ere platza dugu Ageriko platza toponimoan.] eta Arakil-Ekaiko eta bestetako Pelotatxuko, Pelotatxuku (< *Pelotaxoku), edo Bardeako El Juego de Pelota [Las Bardenas Reales, mapa.] toponimoek artzainak mendian pilotan aritzen ziren tokiak adierazten dituztela (ikus Uxueko Juego de Pelota sarrera). Honek, dena den, La Plaza-rentzat balio lezake (alabaina, Leatxeko La Plaza herritik sobera hurbil dago horretarako), baina ez El Rebote-rentzat honelakoetan horma ere izaten baita. Honek, esan bezala, dermio zut eta malkorra izateari zor dio izena, Magdalena-ko maldan kokatua dagoenez nolabaiteko horma itxura baduelako. El Rebote-k Zirikuzabal, Magdalena eta Olibeta-ko errekarekin mugatzen du.
(...)

(...)
Ikus El Juego de Pelota eta El Rebote sarrerak.
(...)

(...)
Gaurko El Frontón edo El Rebote-ren baliokidea da.
(...)