(...)
Erlategitxar euskaldunaren ordain izan zitekeen.
(...)

(...)
Hemen erlategi 'erlekofoina', 'erlauntza' izen ezaguna dugu batetik, eta zar 'zahar' izenondotik atera den -txar bestetik. Azkueren arabera [Mitxelenak aipatzen du, FHVko 191-192. orrialdeetan: "La distribución de s y c en posición inicial constituye uno de los rasgos diferenciales de los dialectos vascos. En b.-nav. y lab. de una parte, no hay más que s -: la única excepción, según Azkue, es txar 'malo, de mala calidad, gastado, viejo' en segundo miembro de compuesto".], -txar 'zahar' elkartuaren bigarren osagaian behenafarrera eta lapurteraz azaltzen den aldaera da, baina Nafarroan barrena ere sarritan aurkitzen dugu: Gulian, adibidez, Errotacharra dokumentatzen da 1795ean [PRA-Asiain, 175. k.], eta gaurregun Errotatxar [errótachár] esaten da, sabaiko afrikatuz. Osinagan behinolako Odikozar [Odicoçar 1638an (PRA-Ihaben, 9. k.).] Odikotxar [odìkochár] da orain, beharbada *Odikoxar-en bitartez. Leatxeko toponimoaren -char hori zahar izenondo arruntaren aldakia zela garbi dago, 1795eko agirian itzulpena ere ematen baitzaigu. Azpimarratzekoa da 1773ko lekukoan azaltzen den artikulua, izen arruntzat hartzen zelako froga baita. Lekukotasun honetan ikusten den moldean, Eriategitxar Korraleta-ko gaineko berokian zegoen.
(...)