Izen mitologikoa eta izen arrunta 'erauntsia'.

Eki izena sortaldeko hizkera batzuetan 'eguzkia' eta 'eguzkialdea, egutera' adierazteko erabiltzen da. Ikus Eguzki eta Ekhi .

Eladio (es)

Deun-ixendegi euzkotarra (Arana eta Eleizalde, 1910) lanean gaztelaniazko Eladioren baliokidetzat proposatutako izena. Grezian du iturri berez 'greziarra' adiera zuen honek.

Deun-ixendegi euzkotarra (Arana eta Eleizalde, 1910) lanean Eleazar(o) eta Lazaroren baliokidetzat proposatzen da. Berez hebreerako El'azar eta arameoko La'azar izen beraren aldaerak dira eta 'Jainkoak lagundua' esan nahi dute. Lazaro deizioa oso ezaguna da Bibliako pertsonaia Jesusek berak berpiztu zuelako; Elazar izena, berriz, Itun Zaharreko Makabearren Liburuan agertzen den Eleazar agureari esker zabaldu zen. Baliokideak: Eleazar, Lázaro (es) eta Éléazar, Lazare (fr).

Orixek Euskaldunak eleberrian erabilitako izena. Esanahi argia du: ele 'hitza' eta eder 'polita'. Gogoan izan Eulalia emakume izenak 'ongi mintzo dena' adiera duela, etorkiz.

Eliseo (es), Elisée (fr)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Eliseo.

Arnaldo (es), Arnaud (fr), Arnault (fr)

Pierre Lhande idazlearen benetako deitura Basagaitz zen, baina Administrazioak aitaren Ellande izena oker irakurri eta semeari deituratzat Lhande ezarri zion. Izena 1412an dokumentatzen da Donibane Garazin (Nafarroa Beherea). Ikus Arnaut.

Erdi Aroko antroponimoa eta Nafarroako herri baten izena (gaztelaniaz Monreal, Ibargoitin). Bertan egon zen gazteluan, gau ilunetan, Juan Liren mamua ibiltzen omen da, noraezean, Nafarroa Gaztelako konkistatzaileei saltzeagatik zigorturik baitago. Justo Garate idazleak (Bergara, 1900 - Mendoza [Argentina], 1994) izen hau erabili zuen goitizentzat. Aldaerak: Eilo eta Eilon.

Emeterio (es)

Grekoko Emeterionetik dator. Emeterio eta Zeledon anaiak Calahorra (Errioxa) hirian martirizatu zituzten IV. mendean eta bertako patroiak dira. Hil zuten lekuan eraiki zen hiriko katedrala eta horregatik dago harresietatik kanpo. Euskal Herriaren zati handi bat mendeetan zehar Calahorrako elizabarrutikoa izan zenez gero, debozio handia izan dute gure artean. 1596ko Refranes y Sentencias liburuan Larrabetzuko (Bizkaia) esaera hau biltzen da: “Done Meterii Zeledon Porru ereiaro on”. Santuaren eguna martxoaren 3an da. Aldaera: Meteri.

Emiliano (es), Émilien (fr)

Deun-ixendegi euzkotarra (Arana eta Eleizalde, 1910) lanean gaztelaniazko Emiliano izenaren baliokidea. Aemiliusen Aemilianus ‘aemiliatarra’ latineko jentiliziotik dator; Aemilia leinua Erromako zazpi nagusietako bat zen. Honela deitu diren santu asko daude, baina ezagunena Trevikoa (Italia) da. Kondairak dioenez, lehoiek jan zezaten eraman omen zuten zirkura, baina basapiztiek ez zioten ezer egin. Santuaren eguna abuztuaren 8an da. Aldaerak: Emiri eta Milian. Ikus Emilio.