Vicente (es), Vincent (fr)

Bizente izenaren Ipar Euskal Herriko ohiko aldaera. Ikus Bikendi.

Vicente (es), Vincent (fr)

Refranes y Sentencias liburuan jasotzen den Bizenteren aldaera. Honela dio atsotitzak: 'Done Bizen argia, guztioentzat dakar ogia'. Honako honetan urtarrilaren 22an gurtzen den Done Bikendi martiriaz ari da. Ikus Bikendi.

Bizkaiko mendia eta Santiago Onaindia (Amoroto, 1909 - Gasteiz, 1996) idazlearen goitizena. Tontorrean borroka latzak izan ziren Gerra Zibilean, eta, hori dela-eta, urteetan egin izan da bertan Euskadiren alde hildakoen omenezko ekitaldia.

Hitz arrunta da, “baserri batean bizi dena” edo “etxe bat alogeran duena” esan nahi duena. Fernando Artola (Hondarribia, 1910 - 1983) bertsolari eta idazlearen izengoitia, baina ez bakarra, Fedea (Fernando de Artola) eta Ipar Haize ere erabili baitzituen. Bordari, bere amak erabiltzen zuen borda adina bordari esaera zaharretik atera zuen. Emazteari eskaini zion maitasun poema bat Antología de las 100 mejores poesías de amor de la lengua vasca liburuan sartu zen:
Oroitzen zera, Henriette,
nola zuk eztiki
zaintzen zenun
Begoni landare ura?

David (es), David (fr)

David (es), David (fr), David (en)

Hebreerako Dawidhetik dator. Batzuen iritzian 'maitatua' adierazten duke eta beste batzuen ustez 'buruzagia' esanahia duen aramerako hitza dateke. Dabid, juduen bigarren erregea, oinarrizko pertsonaia da haientzat eta kristauentzat, Jesus haren familian sortu baitzen. Arrunt ezaguna da Goliath erraldoia garaitzeagatik. Jaia abenduaren 29an da. Aldaera: Dabi (Deun-ixendegi euzkotarra).

Damián (es), Damien (fr)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Damian.

Daniel (es), Daniel (fr)

Santu-ixendegi euzkotarra lanean proposatutako izena. Ikus Daniel.

Darío (es), Darius (fr)

Deun-ixendegi euzkotarra (Arana eta Eleizalde, 1910) lanean Deñe (Anunciación) izenarentzat proposaturiko gizon izena.