(...)
Araba, Bizkaia, Gipuzkoa, Lapurdi, Nafarroa eta Zuberoa // Izen osoa y Nombre completo: Araba kalea, Bizkaia kalea, Gipuzkoa kalea, Lapurdi kalea, Nafarroa kalea eta Zuberoa kalea. Calle Araba, calle Bizkaia, calle Gipuzkoa, calle Lapurdi, calle Nafarroa y calle Zuberoa. // Pinueta etxe-multzoko 6 kale txiki dira. Zuberoa eta Nafarroa Amaia etorbidearekiko paralelo daude eta gainerako laurak elkarzut. // Sei kale hauen izenek Euskal Herriko 6 probintziei egiten diete erreferentzia, Nafarroa Beherea berez Nafarroako merindadeetako bat baitzen. Diktadura garaian Lapurdi kaleak Manuel Gonzalez izena zuen eta Zuberoak Marcelino Oreja. // Euskal Herria hitzaren lehenengo aipuak XVI. mendekoak dira, baina bere aipurik esanguratsuena Pedro Agerre “Axular” idazle nafarrari zor diogu, 1643an Saran, Lapurdin, Gero liburuaren hitzaurrean izenaz gain osatzen duten probintziak ere aipatu zituelako. Hauek dira idazle horren hitzak: // Ceren anhitz moldez eta differentqui minçatcen baitira euskal herrian, Naffarroa garayan, Naffarroa beherean, Çuberoan, Lappurdin, Bizcayan, Guipuzcoan, Alaba-herrian eta bertce anhitz leccutan
(...)