Hiru esaldi horiek zuzenak dira. Euskal Gramatika. Lehen Urratsak VII, 124. or. liburukian daude aztertuta denborazko perpaus jokatugabeak, eta han jasotzen dira egitura horiek guztiak.

Aldiberekotasuna adierazteko, -tua(ga)z/-tzeaz batera/bat/batean erabiltzen dira mendebaldean:

Hau esanaz batera, dantzan hasi zen.

Neskatila ikusteaz bat, negar egin zuten gurasoek.

Beste hauek, berriz, gainerako euskalkietakoak dira: -tzearekin batera/bat/batean.

Hura sartzearekin batera, jauzika abiatu zen haurra.