EODA osoa

(...)
Kapar (ikus Kapalarraña) izena eta -eta atzizkia ditugu hemen. Egungo [kàparréta]-k Kasedako lurrekin, Aragoa ugaldearekin, Morate eta Engubelea-rekin mugatzen du. Bertan bi harpe ditugu (La Cueva del Alemán eta La Cueva de San Sebastián), bi zulo (El Hoyo del Abejar eta El Hoyo de Fermín), eta orain La Peña agujereada eta lehen agian Arrizulatua deitzen zen haitz zulatua (ikus, alabaina, azken sarrera horretan dioguna). Horietaz gainera, Alto de Kaparreta, La Peña Tajubera, La Peña del Cubilar, Las Peñas altas eta San Pedro deitu gainak ditugu, Fuente de Kaparreta (zubitik hurbil, Zarrakazteluko bidean), eta Campo de las Ondas (Las Suertes-en pareko bihugunean. Ikus Ondallu sarrera). Hauetaz landa, zubi ondoan behar zuen Urrutia izenekoa ere (ikus sarrera hau) bagenuen. Kaparreta herri lurra da, eta bertan alatzen ziren (orain lerrez betea dago) galipentzuarren aziendak. Zer azienda mota zen XVIII. mendean bertan bazkatzen zena seguru ez dakigu, nahiz "boyeral" izenak abelgorria zela idarokitzen duen. Mende honetan ahuntzentzat altxatua zegoen (ikus Corraliza sarreran dioguna). Udalak bertan hiltegi-harategia zuen, eta animaliak bertan hil ondoren herrira igotzen zituzten, saltzeko.
(...)