EODA osoa

(...)
e cum se pendi de sos pecaz, e de le mort que feit aue de son nebot, si de Sancta Maria de Maier a l'Abesque, e a Sente Marie de Baione franquemens, que onc arrei no si artingo a son linadge [...] De Sente Marie de Maier fo tiedor l'archidiagne en Garcie per le man de l'abesque de Baione en B. qui puijs fo arcibesque de Auhx, e l'archidiagne en Garcie fo abesque de Baione. E per le man de l'abesque en Garcie de Baione, for tiedor en Guillem Jordan, calonge de Baione, e archidiagne de Bastan, de Sente Marie de Maier [...] Apres de ques dus, fo en Gonsaluo, archidiagne de Bastan, tiedor de Sente Marie de Maier per le man de l'abesque n'Arremon. Mort l'abesque n'Arremon, fo abesque n'Arnaut Lup de Bessauat qui troba l'archidiagne en Gonsaluo tiedor de Sente Marie de Maier. E quar don Gonsaluo bone captience no ao, escominja-u et geta-u de Sente Marie de Maier. E quest medijs abesque n'Arnaut Lup mes hi en Felip, calonge de Baione e archidiagne de Bastan, per sa man tiedor de Sente Marie de Maier. // E apres long temps, cum l'abesque n'Arnaut Lup e l'archidiagne en Felip ahon feit arric lo log de Sente Marie de Maier, per embeie de l'arriquesse, si forsa en Pedro Fortun, lo seiner de Bastan, l'abesque n'Arnaut Lup e l'archidiagne en Felip, e si meto son fil Pedro Pedritz ab sa force. E escominja-u n'Arnaut Lup l'abesque Pedro Pedriz e son pair Pedro Fortuino, e le glizie de Maier. E a estad en l'escominje meis de XXX ans [...] E assi com aquest dizen e saben, e mouts d'autres, lo log que en Semen Garciez, seiner de Bastan, de in Sente Marie de Maier a l'abesque de Baione, fo mout pauque cause mas sou lo sentuari
(...)