EODA osoa

(...)
Martin Munnoz de Medina et Johan Diaz de Rosales, arrendadores de las mis salinas de Rusio que fazen agora de nueuo eras de sal fazer en heredamientos que de antiguo tienpo aca fueron de Sant Johan d'Acre, et que passauan las mis mueras de las mis salinas de Russio a estas eras que de nueuo fazien [...] Por que uos mando luego uista esta mi carta que vayades a Rusio et que deffagades todas las eras que estos Martin Munnoz et Johan Diaz los sobredichos an fecho agora de nueuo
(...)

(...)
Agora la Infanta donna Leonor, mi hermana, sennora de las Huelgas et del Ospital de çerca de Burgos a quien yo toue por bien de dar el arca et todos los derechos de Salinas de Annana, pidiome merçed por el dicho conçeio que les confirmasse esta carta et que gela mandasse guardar et que por las eras que auyen fecho en las salinas de Rusio nueuamente que perdia ella mucha de la su renta de Salinas de Annana [...] Et mando et deffiendo firmemiente que ninguno non sea osado de fazer mas eras para fazer sal en las salinas de Rusio d'este dia que esta carta es fecha adelante. Et todas las eras que fizo el dicho Johan Diaz de Rosales o otros qualesquier que las fizieron en las salinas de Rusio, desque el rey don Sancho mio auuelo, que Dios perdone, fino a aca. Et mando a Garçia Lasso de la Vega, mio meryno mayor en Castiella, o a qualquier otro que lo fuese d'aqui adelante, o al meryno que por el andidiere en la meryndat de Castiella Vieia que vaya a salinas de Rusio luego vista esta mi carta, o el traslado della signado de escriuano publico, et que faga cauar et desffazer todas las eras que fueron nueuamente fecha et contra el deffendimiento del rey don Ferrando, mio padre, que Dios perdone, et que peyndre al dicho Johan Diaz et a todos los otros que fizieron eras en salinas de Rusio de que fue defendido commo dicho es por la pena de los dichos diez mill maravedises a cada vno et que la guarden
(...)

(...)
Et quando sal non ouo en las salinas de Rusio que andido por todas Castiella vieia et aquende Ebro fasta el agua de Cadorra et Tolosa et contra la montanna, fasta o pudiesse andar [...] por doquier que el conçeio de Salinas o los sos omes o los arrendadores de las sus salinas uos mostrare sal de Aragon o de Nauarra o de Rusio o de Medina o de otros logares de nuestros regnos, o sospecha ouieren dellos
(...)