Leku-izenak

(...)
Kalea / Calle: ED50 30T X.499871, Y.4771476, alt. 180 m. // Luiaondoko kale nagusiak tarte batean hartzen duen izena da, euskarazko hitz arrunta, herriaren sarreratik San Domingo kalea elkartzen zaion lekuraino, hain zuzen ere [19 Ikus kale nagusiaren zatiak Kallebarrena atalean]. Hemen altxatzen da ospe handiko Aretx Malatua egon zen tokia gogoratzen duen gurutzea. Zuhaitz hori Lope García de Salazarrek aipatu zuen Bienandanzas e Fortunas [20 Ikus Luiaondoko kontzejua] lanean eta, tradizioaren arabera, bizkaitarrek horraino joaten ziren euren jaunaren atzetik lurren defentsan. Gaur egun aipatutako gurutze xumeak ematen digu horren berri. // Toponimo hau euskal hitz arrunta da ‘leku urtsua, istinga’ adiera duena edo, Azkueren arabera, ‘itsasoaren nahiz ibaien urak gora egitean, urez betetzen diren lur baxuak’. Arabako lautadan Madura edo Matura forma erabiltzen da eta beste leku batzuetan Fadura, Getxon esaterako [21 Euskaraz ohikoa da p-m ezpainbikariak nahastea, baita f-p soinuen alternantzia ere. Oraindik ere Bizkaiko toki batzuetan behintzat nahastu egiten dira]. Ibaitik gertu dagoenez, jatorrian izen deskriptibo arrunta izango zen seguru asko, baina denborarekin esanahi hori galdu egin du, besteak beste, ibaiaren ibilbidea ondo egokitu delako. Herri honetako Oloste izenaren iruzkina egitean aurreratu dugunez, leku horretan egondako ola nagusiari ere Padura esaten zitzaion
(...)