Leku-izenak

(...)
Errota / Molino: ED50 30T X.491080, Y.4770225, alt. 290 m. // Antzinako errota txiki bat da –eskualdean ‘molinchín’ esaten zaie halakoei–, Ibaizabal ibaiaren eskuinean dagoena. Oraindik ere arrastoak ikus daitezke Erretestik Lexartzu, Añes eta Angulora doan A-3630 errepidearen eskuinera, ezkerreko adarra hartuta Erbira doan bidegurutzea baino apur bat lehenago. // Izenak euskal konposatu baten antza du, lehen osagaia ar- lukeena, harri izen arruntak (h)ar- forma hori hartzen baitu gehienetan hitz konposatuetan. Ondoren bil dator, biribil hitzaren aldaera dugu eta toponimian askotan agertzen da. Amaitzeko, tokia adierazten duen -eta atzizkia dago, maiztasun handikoa. ‘Harri biribilen edo harribolen lekua’ esan nahiko luke, beraz, eta ibaiaren zolan nahiz bazterretan dauden harriekin erlazioan egongo litzateke izena. Ia gehienek onartzen dute interpretazio hori eta hala aurkeztu zuen F. Mugurutzak ere [5 2000, Zaraobe, 73] nahiz eta F. Barrenengoak (1990) ‘Erbiko olak’ proposatu zuen toponimo berarentzat
(...)