(...)
Orain Alto de Janduba [xandúba] deritzan gaina herri ondoan dago, Zabalzigar-ko mugan. Janduba bertan lur zerbait (zortzi-hamar erreguneurri) zuen Eslabako etxe baten izena da, eta ez du zerikusirik Reta Janárizek proposatzen duen Jaun + andua 'mahatsondoa' + ba 'behe'-rekin [EHZE, 483. or.]. Janduba lehengo Jandua deituratik atera da (cf. Aitzuloa > Izurba Eslaban, edo Andua > Anduba Lergan. Ikus Camino de Bidezarra sarrera), eta hau bere aldetik Sandua-ren aldaki bustia (bustidura arrunta da izengoitietan, jakina denez) den Xandua-tik (cf. Xurio > Jurío, Xubiri > Jubiri [Cf. Jubiriko borda Garraldan] edo Xabat > Jabat [Aezkoako Orbara herrian Xabatenbelon izena dugu orain, Sabatenvelauna 1916ko katastroan, eta Casa de Jabat 1781az geroztik (PRA-Auritz, 49. k.). Ezkarozen Xandua ([shándua] seguru asko) dugu 1654ean (PRA-Otsagabia, 3. k.): "pieza en Mandruñe, en el bordal que llaman Xandua"]). Sandua edo Jandua Urraulgoitiko etxe baten izena zen 1785 inguruan, Jimeno Jurío ikerlariak dioenez ["El Vascuence en Urraul alto", FLV, 58, 1991, 227-245. orr.].
(...)