(...)
Goiz samarretik desitxuratuxea azaltzen den toponimo honen bi osagaiak Marti, Martia (cf. Uxueko Jaun Done Martia) edo Martie 'Martin' pertsona izena, eta 'harrartea', 'ateka' adiera bide duen *(E)satea dira (cf. Zareko bereko Atesatekoa. Ikus, halaber, Uxueko Esatea aztertzean esan dena). Portillo de Martisatea Camino bajo de Caseda-n dago, antzinako Arrobia-tik gertu, antza. Martisatea Marzatea [màrzatéa] bilakatu da egun, eta Saso de Martisatea El Saso edo Zazu-rekin identifikatu behar da, Martisatea altxonbideraino luzatzen baitzen. XVII. mendearen hasierako lekukoek Martin- osagaia erakusten dute, aurreko mendeko eta mende honen lehen hamarkadako Marti-ren ordez. Esan moduan, leku-izen hau goizdanik itxuratxartua edireten dugu, gorago ikusi Leatxkaratea bezalatsu. Portillo de Martisatea Camino de arriba de Caseda-n dago.
(...)