(...)
Eri 'gaixo' eta iturria-z osaturik dago. Lihatzeak baziren bertan, eta errepide bat ere igarotzen zen alderdi honetatik. Err(i)- duen aldaerarik ediren ez dugun arren, aintzat hartu behar da hasierako er(i)- hori err(i)- 'herri' ere izan zitekeela, disimilazioz dardarkari anizkuna bakun bilaka baitzitekeen (cf. Erriturri [1894eko katastroa. Herri honetan bertan Eriturri-ren kontrakoa irudi duen Sanitturri [sànitúrri] iturria dugu.] Etxarrenen, Fuente del Pueblo Lergan). Guztiarekin ere, ezaguna da zenbait iturritako urak gaixotasunak sendatzeko duen boterea (cf. Fuente de las Tercianas Eslaban berean eta Leatxen, Fuente de Lezkairu Uxuen...), eta badirudi Eriturria horietako bat zela. Gainera, eta esan bezala, beti eri- dugu. Iturri, putzu, eta antzekoekin agitu ohi denez, hasieran toponimo puntuala zena zabaldu eta inguruko lurrak ere adieraztera igaroko zen.
(...)