(...)
Berro 'labakia' izena, berri izenondoa, eta -eta ditugu (cf. Izkoko Berroberria [PRA-Kaseda, 27. k.] eta Galipentzuko Saso de la(s) Roza(s)) egun Borborieta [bòrborjéta] bilakatu den honetan. Aurrenekoz 1715ean aurkitu dugu. 1773an Berrioberrieta formapean azaltzen da. Aitzinago Verrovarieta dugu 1833an, Berrogorrieta 1852an eta Berroborrieta 1894ean. Leatxeko La Artica nueva-rekin identifikatu behar balitz hemen Berrioberrieta-k balio singularra izango luke (cf., hala ere, Berrozarreta / Las Articas viejas). Itxura guztien arabera parekatze hori egin egin behar da, Berroberrieta egun El Soto-ren eta Idozabal-en artean dagoelako, eta El Soto-k orain ezezaguna den La Artica nueva-rekin (izen hau zutenetako batekin bederen) mugatzen zuelako (ikus El Soto sarrera).
(...)

(...)
[-Eta gure eskualdean] Toponimo guzti hauen azterketatik honako ondorio hauek atera ditzakegu: [...] 9.-Aniztasuna / batekotasuna Ikusi ahal izan dugunez -eta (-keta, -kieta) atzizkiak aniztasuna adierazten du batzutan, eta honekin batera, C. Barojak dioenez, lekua: Aizketa (Uxuen), Berroberrieta (Leatxen), Buraleta (= Los Burales, Zaren), Kiñueta (Zaren. Cf. Hor barnako Los Quiñones ezaguna), Liatzeta ('Los Linares', Galipentzun), Olibeta (Ageza, Eslaba...) [Cf., gainera, Etxalekuko Errikogaztañeta, itxura guztien arabera 'herriko gaztainadia' adiera duena].
(...)

(...)
Monte de Itxudur ondoan zegoen. Gorago, El Soto aldean bazen beste Artica nueva bat (ikus El Soto sarrera), eta garbi dago honelako bat baino gehiago zegoela. Bigarren hau Berroberrieta-rekin identifika liteke, etimologiaren aldetik arazorik ez izateaz gainera kokaguneak ere laguntzen duenez gero.
(...)