Euskara eskuz esku

29. araua. Diptongoz bukatzen diren izenen deklinabidea

Gramatika-atalak: Idazkera morfologia

Diptongoz (-ai, -ei, -oi, -au, -eu) bukatzen diren hitzak, bokalez bukatuak balira bezala kontsideratzen dira:
Aurten, egitaraurik ez dute proposatu (eta ez *egitarauik).
Haurrak kirol-zelaira eraman ditut (eta ez *zelaiera).

Arau honek bi salbuespen baditu.
- Gau izena kontsonantez bukatua balitz bezala deklinatzen da kasu-marka batzuekin: mugagabeko instrumentalean, gauez, eta singularreko leku-kasuetan, gauean, gaueko, gauetik, gauera.
- Hitz silaba bakarrak (dei, gai, jai…) mugagabeko instrumentalean: edozein gaiez mintzatu.
Euskaltzaindiak lau izenaren eta lau izenordainaren deklinabidea 8. arauan aztertu du. Diptongoen deklinabidearen sistemari jarraikiz, singularreko inesiboan lauan forma da arauzkoa (*lauean).

araurik, zelaitik, gaueko, gaiez, lauan, Unaik, Odeik

*arauik, *zelaietik, *gauko, *gaiz, *lauean, *Unaiek, *Odeiek

29. arau osoa ikusi

420. fitxa