Euskara eskuz esku

183. araua. Adierazpen izendatzaileen deklinabidea

Gramatika-atalak: Onomastika morfologia

Adierazpen izendatzaileak deitzen dira enpresa eta erakundeen izenak, markak, gertaera historikoak eta artelanen izenak.
Mota ezberdinetako izenak izan daitezke:
- Hitz bakarrekoak: Euskaltzaindia
- Hitz bat baino gehiagokoak: Herri Urrats
- Pluralekoak: Mugarik Gabeko Medikuak
- Erdarazkoak: Peugeot, Coca-Cola
Adierazpen izendatzaileak, oro har, gainerako izen bereziak bezala deklinatzen dira.
- Kontsonantez bukatzen bada, arteko e bat sartu behar da (e epentetikoa): Herri Urratseko
  e, i, o edo u bokalaz bukatzen bada, leku-izenak bezala deklinatzen dira: Ibaialdeko, Ikas-Biko, Uda Lekuko
- a bokalaz bukatzen diren izenak, bi motatakoak dira:
  - batzuek a berezkoa dute; adibidez, Seaska, Enbata (aldizkaria): Seaskatik, Enbatako
  
  - beste batzuek -a determinatzailea dute; adibidez, Euskaltzaindia, Euskal Elkargoa: Euskaltzainditik, Euskal Elkargoko.
Iparraldean, gerta daiteke adierazle izendatzaileak frantses izen batzuk izatea: Aviron Bayonnais (errugbi-taldea), Dassault (hegazkin-egilea).
Horrelakoetan, idazkeraren sistema kontuan hartzen da. Ondorioz, izena kontsonante batekin bukatzen baita, -e- epentetikoa ezarri behar da:
Aviron Bayonnais(-)ek irabazi du, Aviron Bayonnais(-)eko taldea
Dassault(-)en lan egiten du, Dassault(-)eko sindikatua

183. arau osoa ikusi

872. fitxa, 873. fitxa