Euskara eskuz esku

141. araua. Herri izenak: hurrenkera eta zeinu grafikoen erabilera

Gramatika-atalak: Onomastika idazkera

Seinaleztatzea elebiduna delarik (euskara-frantsesa edo frantsesa-euskara), zehar-marra erabiltzen da bi herri-izenen bereizteko:
Baiona / Bayonne, Bidarrai / Bidarray.
Bi herrik (edo gehiagok) administrazio-elkarte bat osatzen dutelarik, marratxo bat erabiltzen da bi izenen bereizteko:
Maule-Lextarre, Lüküze-Altzumarta, Mitikile-Larrori-Mendibile

Deklinabide-marka ezartzen da azken izenaren bukaeran:
Maule-Lextarreko, Lüküze-Altzumartara.
Herria eta eskualdea (harana edo ibarra) izendatzen direlarik, marratxorik gabe idazten da eta deklinabide-marka bigarren izenaren bukaeran ematen da:
Donibane Garazi, Donibane Garaziko
Uharte Garazi, Uharte Garazin.
Testuingurua behar bezain argia ez denean, herri-izenaren ondotik dagokion ibar edo eskualdearena jarriko da argigarri izateko:
Bastida Arberoa eta Bastida Araba, Getaria Gipuzkoa eta Getaria Lapurdi.
Herri-izen anitzek bukaerako -a berezkoa dute: Ainhoa (Lapurdi), Aintzila (Nafarroa Beherea), Banka (Nafarroa Beherea), Donostia (Gipuzkoa).
Bokalez bukatzen diren beste izenak bezala deklinatzen dira:
Ainhoatik, Bankako, Donostiara.
Beste anitz herri-izenetan, aldiz, bukaerako -a hori artikulua da. Kasu hauek Euskaltzaindiaren izendegietan -a ohar argigarriaz ageri dira: Iruñea (-a) (Nafarroa), Onizepea (-a) (Zuberoa), Ospitalepea (-a) (Zuberoa).
Izen horiek, lekuzko kasuetan deklinatzean, -a hori galtzen dute, adibidez: Iruñetik, Onizepetik, Ospitalepeko.

Baiona / Bayonne, Maule-Lextarre, Donibane Garazi, Donostiatik, Onizepetik

*Maule Lextarre, *Donibane-Garazi, *Donostitik, *Onizepeatik

141. arau osoa ikusi

1015. fitxa