Badira bigarren sailekoen (gosea izan/eduki, egarria izan/eduki…) adibideak Euskaltzaindiaren Hiztegian (Landare horrek egarria du. Horiek dira Jaunaren hitzaren gosea eta egarria dutenak) eta Orotariko Euskal Hiztegian (Gosea dauko andia (Bilbao). Bienabenturaduak dira Justiziaren egarria eta gosea daukeenak (Kapanaga); beraz, ontzat ematekoak dira. Hobestekoak dira, hala ere, goseak egon eta gose izan modukoak.

Horrez gainera, ikus hauek ere: "Aditzaren jokabidea: dut, daukat" (JAGONET), "Aditzaren jokabidea: izan, ukan, eduki (ideiarik ere ez dut)" (JAGONET), "Aditzaren jokabidea: arrazoi izan/eduki (arrazoia/arrazoi duzu; ez duzu arrazoia/arrazoirik)" (JAGONET), "Lexikoa: beldur (beldur izan / beldurra ukan / beldurrak egon)" (JAGONET).