JAGONET galde-erantzunak
Ortografia: ezta? ala ez da?
Nola idatzi behar da: ezta? ala ez da? Etorriko zara, ezta?
Euskaltzaindiak ez du berariazko araurik eman horretaz.
- Literatura-tradizioan biak erabili izan diren arren, forma fosildua, egina (ezta?) gehiagotan erabili izan da.
- Gaur egungo erabileran ere forma hori (ezta?) nagusitu da, eta hala jaso du Euskaltzaindiaren Hiztegiak [EH:ezta2]. Baina forma zaharragoak erabili nahi izatera, orduan ezta hala? baino egokiagoak lirateke bereiz idatzitakoak: ez da hala?, ez al da hala?, hala ez da? eta abar.
Informazio gehigarria:
- "ez(-) (adberbio, izen, partikula...)" (EBE)
- Dokumentua: ...ezta / ez da? / beti(ko) legez (irizpena) – https://www.euskaltzaindia.eus/dok/jagonet/Ezta-beti_legez.pdf
Zalantza-mota: ortografia > zuriuneak, sintaxia > esapideak
Unitate-mota: joskera > esapideak, karaktereak > letrak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
