JAGONET galde-erantzunak

Ortografia: dela eta, dela-eta

Euskaltzaindiak onartzen al du eta kausala marratxoarekin idaztea? Adibidez: Trenak ihes egin dio, berandu ibili da-eta. Ezingo dizut eskura ordaindu, diru barik nago-eta.

Horrelako esaldiak marratxoz idaztea onartzen al da? Ala idazlearen esku uzten da marratxoaren erabilera? Ala erabat baztergarritzat jotzen da?

27. arauak jasotzen du auzi hori, eta pasarte batean honela dio: “Perpaus konplexua denean, ordea, beharrezkoa izan gabe ere, aukeran izango du idazleak juntagailuaren aurrean marratxoa ipintzea, testua ulertzeko lagungarri dela iruditzen bazaio” (azpimarra gurea da). Harrituta zeuden, itsusia zen-eta (=zen eta) zuk esan zenuen hura. Ez dira-eta (=dira eta) hamabost egun Mikel Isabelekin luzaz aritu zena.

Marratxoa oso makulu argigarri eta egokia izaten da eta galdegaiaren parte ageri denean ere: Zer dela-eta etorri zara?

Galderako adibideetan, beraz, bi aukerak dira egokiak: Trenak ihes egin dio, berandu ibili da-eta / da eta. Ezingo dizut eskura ordaindu, diru barik nago-eta / nago eta.

Ahoskerari dagokionez, berriz, dela eta eta gisakoak ere osorik ahoskatzekoak dira maila zainduan.

 

Informazio gehigarria:

Zalantza-mota: ortografia > marratxoa, ortografia > zuriuneak, sintaxia > perpausak

Unitate-mota: karaktereak > markak, perpausa > kausa

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
z-library z-lib project
Casino siteleri arasında yerinizi alın, kazançlı çıkmanın keyfini sürün! Heyecanı kaçırmayın.
© 2015 Your Company. All Rights Reserved. Designed By JoomShaper