JAGONET galde-erantzunak
Aginduak ematea: ez ezazu / *etzazu
Aginteran, ezezko perpausetan etzazu idaztea onartzen da ala soilik ahozko forma da?
Euskara batuan, ahozkoan bakarrik onartzen da etzazu forma. Idazkera formal zuzen bakarra eta ahoskera zaindua ez ezazu da.
Ikus hauek ere: "Aginduak/aholkuak ematea: agintera eta subjuntiboa (ez ezazu / ez dezazula / *ez ezazula; ez beza / ez dezala / *ez bezala)" (JAGONET), "Aditzaren jokabidea: agintera (emadazu, eman iezadazu, ezidazu / ez iezadazu)" (JAGONET).
Informazio gehigarria:
- "agintera" (EBE)
- "kontsonante-bilkura batzuen ahoskera" (EBE)
Zalantza-mota: ahoskera, morfologia > aditz-jokoa, ortografia > zuriuneak
Unitate-mota: hitzak-aditzak > adizki jokatuak, prosodia > kontsonante-multzoak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
