JAGONET galde-erantzunak
Kuantifikazioa adieraztea: -na/bana (bosna mila / bost mila bana / bost bana mila)
- Milatik gorako zenbakiekin bakarrik erabili behar da bana? Izan ere, Euskaltzaindiaren Orotariko Euskal Hiztegian ehun bana eta hirurehun bana ere ageri dira.
- Ontzat ematen al dira bosna mila / bost mila bana / bost bana mila eta gisakoak? Azken hori hizkuntza mintzatuan entzuna daukat.
- Zein hobetsi, bost mila eta hogeita hamarna ala bost mila eta hogeita hamar bana?
- Zein hobetsi, bosna milioi / bost milioi bana / bost bana milioi egituren artean?
- Komunztaduran, aditza singularrean ala pluralean erabili behar da? Edo bietara joan daiteke: bosna gozoki eman dizkiet/diet?
- Egia da OEHn esaten dena; alegia, milarekin ez ezik bestelako zenbakiekin ere erabili izan dela: batez ere ehunekin eta ehunetik eratorriekin (berrehun, hirurehun...) eta milioirekin.
- Euskal Gramatika. Lehen Urratsak I, 138. or. liburukian ontzat ematen da bosna mila eta txartzat *bost milana.
- Arruntena lehenbizikoa da: bost mila eta hogeita hamarna.
- Hor ere, bosna milaren kasuan bezala, arruntena lehenbizikoa da: bosna milioi, alegia.
- Bietara eman daiteke. Euskal Gramatika. Lehen Urratsak I, 131. or. liburukiak dio zenbatzaileekin (batekin izan ezik, eta sintagmak mugatzailerik ez badu) bi aukerak onartzen direla: singularra nahiz plurala.
Informazio gehigarria:
Zalantza-mota: morfologia > zenbakiak, morfologia > zenbatzaileak
Unitate-mota: afixuak > atzizkiak, hitzak > determinatzaileak, zenbakiak > kardinalak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
