JAGONET galde-erantzunak
Aditzaren jokabidea: ikasi (egiten/eginez ikasi)
Zein da forma zuzena: egiten ikasten da ala eginez ikasten da?
Aukera biak dira zuzenak; baina desberdinak, esanahiaren aldetik. Batetik, -t(z)en ikasi ‘ZERTAN ikasi’ galderaren erantzuna da; esaterako, igeri egiTEN ikasten ari naiz. Bestetik, -(e)z ikasi ‘NOLA ikasi zerbait egiten’ galderaren erantzuna da; adibidez, uretan sartuZ, besoak mugituZ eta oinei eraginEZ ikasten da igeri egiTEN edo taka-taka ibiliZ ikasten da oinez ibilTZEN.
Informazio gehigarria:
- "zertan/nola: -t(z)en/-t(z)ez + aditza (irakurtzen ikasi ≠ irakurriz ikasi)" (EBE)
- "joan aditzaren perifrasi-modua (-tu(a)z joan / -tzen joan)" (EBE)
- "gerundioa (erdal)" (EBE)
Zalantza-mota: lexikoa > lokuzioak/kolokazioak, sintaxia > aditza, sintaxia > perpausak
Unitate-mota: hitzak-aditzak > aditz-izena, hitzak-aditzak > adizki ez-jokatuak, hitzak-aditzak > erregimena, hitzak-aditzak > partizipioa, lokuzioak/kolokazioak, perpausa > modua, perpausa > osagarriak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
