Baratzean behar du, hitzaren forma estandarra [EH:baratze] delako eta ez *baratz, ez eta *baratza ere. Preseski hortixe, baratza formatik alegia, dator euskalki mailako erabileran baratzan esatea euskaldun batzuek, baina baratze formari baratzean dagokio inesiboan (non kasuan).

Honatx, argigarri, paradigmako kasu-marka batzuk:

• mugagabean: baratze, baratzek, baratzeri, baratzetako, baratzetan...
• singularrean: baratzea, baratzeak, baratzeari, baratzeko, baratzean...
• pluralean: baratzeak, baratzeek, baratzeei, baratzeetako, baratzeetan...