JAGONET galde-erantzunak
Lekua adieraztea: kontsonantez bukatutako leku-izenak eta kasu-markak: El Salvador eta Gares
Nola behar dute, besteak beste, kasu hauek: El Salvadorreko ala El Salvadorko; Garestik ala Garesetik?
Kontsonantez bukatzen diren lekuzko kasuetan —hau da, -ko, -ra(t), -rantz, -raino eta -tik atzizkiekin, alegia— sortzen da zalantza.
Arauak bi moldeak zuzentzat jotzen ditu (Euskera 24, 1979-2, 655 or.), eta ez du ez hobespenik ez lehentasunik adierazten aldaera bataren ala bestearen alde.
Nolanahi ere, Euskaltzaindiak izen ofizialak erabakitzean ―bikoiztasunak ekiditeko asmoz―, -ko (ez -eko) bukaeraren aldeko hautua egin du praktikan kanpoko izenen kasuan: Asturiasko Printzerria, Madrilgo Erkidegoa (32. araua), Ekuadorko Errepublika, Hondurasko Errepublika, Laosko Errepublika (38. araua), Timorko itsasoa (169. araua)…
Galderako izenetan, beraz, honela hobeto: El Salvadorko eta Garestik.
Informazio gehigarria:
- "izen bereziak: kontsonantez (n, l, s, z, tz edo r) bukatzen diren leku-izenen deklinabidea" (EBE)
- "Lekua adieraztea: NON, NORA, NONDIK bukaeran n, l, s, z, tz edo r letra duten izenetan (Irun, Madril, Paris, Zarautz, Eibar...)" (JAGONET)
- Euskal Gramatika Laburra: Perpaus Bakuna, 506 or.
Zalantza-mota: morfologia > kasu-markak, lexikoa > erdal izenak, izen bereziak > leku-izenak
Unitate-mota: hitzak > izenak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Siège social
- B
- BISCAYE
- Plaza Barria, 15.
48005 BILBAO - +34 944 15 81 55
- info@euskaltzaindia.eus
Centre de recherche
- V
- LUIS VILLASANTE
- Tolare baserria. Almortza bidea, 6.
20018 SAINT SÉBASTIEN - +34 943 42 80 50
- donostiaordez@euskaltzaindia.eus
Represéntations
- A
- ALABA
- Gaztelako atea, 54
01007 VITORIA-GASTEIZ - +34 945 23 36 48
- gasteizordez@euskaltzaindia.eus
- G
- GUIPUSKOA
- Tolare baserria. Almortza bidea, 6
20018 SAINT SÉBASTIEN - +34 943 42 80 50
- donostiaordez@euskaltzaindia.eus
- N
- NAVARRE
- Oliveto Kondea, 2, 2. solairua
31002 PAMPELUNE - +34 948 22 34 71
- nafarroaordez@euskaltzaindia.eus
L'association
- P
- PAYS BASQUE NORD
- Château Neuf
15, place Paul Bert
64 100 Bayonne - +33 (0)559 25 64 26
- +33 (0)559 59 45 59
- baionaordez@euskaltzaindia.eus
