[EH:bake] sarrerak ohar hau dakar: “Oharra: bakean utzi esapidea, Iparraldean, du aditza (Nor-Nork) da eta Hegoaldean du edo dio (Nor-(Nori)-Nork)”.

Batasunerako ez da ezer hobetsi; bi moldeak dira zuzenak eta egokiak. Badira aditz gehiago bi sailetakoak direnak: lagundu, deitu eta abar. Beraz, biak dira onargarri, bai utz nazazu bakean eta bai utz iezadazu bakean / utzidazu bakean. Ikus [EH:bakean utzi] azpisarrerako adibideak.

Bestalde, berdin izan, tradizioko datuak ikusirik, laguntzaile batekin baino gehiagorekin erabiltzea onartu da batasunean. Honela ageri da hiztegian [EH:berdin izan]: da/zait/du/dio ad.

Horrez gainera, ikus hau ere: "Aditzaren jokabidea: berdin izan (jolastu/jolastea)" (JAGONET).