JAGONET galde-erantzunak
Aditzaren jokabidea: egon, izan, ibili (ziza biltzen izan/ibili/aritu/*egon; klinikan izan/egon)
Egoki egina al dago adibideokin egin dugun ‘zuzen/oker’ sailkapena?
Asteburu honetan ziza biltzen egon gara Izaban. (oker)
Asteburu honetan zizak hartzen izan gara Izaban. (oker)
Asteburu honetan ziza biltzen izan gara Izaban. (zuzen)
Asteburu honetan ziza biltzen ibili gara Izaban. (zuzen)
Pilotan jokatzen egon gara 5etatik 6etara. (oker)
Pilotan jokatzen aritu gara… (zuzen)
Atzo klinikan izan nintzen, ama bisitatzen. (zuzen)
Hamabost egun egon naiz klinikan, heste-soberatik operatuta. (zuzen)
Telebista ikusten egon naiz. (zuzen)
Behin baino gehiagotan entzun dugu lanean egon dena ez zela gehiegi nekatuko.
Gomendagarriagoak dira, noski, adibide horietan zuzentzat ematen direnak (eta ziza biltzen izan, pilotan jokatzen aritu formekin batera, zizatan ibili eta pilotan aritu/jardun); hala diote egungo estilo-liburuek.
Horrez gainera, ikus hau ere: "Lexikoa: egon, izan (bileran izan da / gaixorik izan da)" (JAGONET)
Informazio gehigarria:
- "ari izan ≠ egon" (EBE)
- "egon ≠ izan" (EBE)
Zalantza-mota: lexikoa > aditzak, lexikoa > lokuzioak/kolokazioak, sintaxia > aditza
Unitate-mota: hitzak-aditzak, lokuzioak/kolokazioak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
