Nafarroako Erresuma da idazkera egokia erakundeaz ari garenean. Ohar zaitez nola dioen 192. arauak: ”Iruñeko eta Nafarroako Erresumako errege-erreginen izenak”. Ohar zaitez, orobat, nola ageri diren munduko estatuen izenak ere 38. arauan: Espainiako Erresuma, Belgikako Erresuma, Bhutango Erresuma, Danimarkako Erresuma… (eta, jakina, baita erresumaren tokian errepublika edo beste izen bat ageri dutenak ere: Frantziako Errepublika, Italiako Errepublika, Israelgo Estatua…); izan ere, letra larriz idaztekoa da izendapen ofizialaren parte diren hitz guztien lehen letra.