JAGONET galde-erantzunak
Zenbakiak: adin-tartea adieraztea (X urtetik Y urtera / X urtetatik Y urtetara / X-Y urte)
Nola esaten da euskaraz "de los 2 a los 18 años" / “de 2 à 18 ans”. Hauek zuzenak al dira?: 2 urtetik 18 urtera / 2 urtetatik 18 urtetara.
Bi moldeak zuzenak dira.
Lehena, 2 urtetik 18 urtera, Hegoaldean erabiltzen da batez ere. Eta bigarrena, 2 urtetatik (eta urtetarik) 18 urtetara, berriz, Iparraldean. Badirudi lehenaren, singularraren, aldeko joera nagusitzen ari dela gaur egun euskara estandarrean.
Labur beharrez, honela ere eman liteke: 2-18 urte. Edo era honetara formulatuta: 2-18 urte (bit)artekoak.
Informazio gehigarria:
- "zenbatzaileak eta leku-denborazko sintagmak (-ra/-tara: 5 kilometrora/kilometrotara; 5 graduan / 5 gradutan; 5 euroan / 5 eurotan...)" (EBE)
- "Kuantifikazioa adieraztea: leku-denborazkoak (bost minutuan/minututan; zortzi urte hauetan/honetan; bost kilometrora/kilometrotara) " (JAGONET)
- "Kuantifikazioa adieraztea: -tik gora (80 lagunetik gora / 80tik gora lagun)" (JAGONET)
- "Denbora adieraztea: -an/-tan (hiru egunean/egunetan), -ra/-tara (bost urtera / bost urtetara)" (JAGONET)
- Euskera XXIV, 1979-2: 634-635
- "*erizantza > erizaintza" (EBE)
Zalantza-mota: morfologia > kasu-markak, morfologia > zenbakiak
Unitate-mota: zenbakiak > kardinalak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
