JAGONET galde-erantzunak
Esapideak: hobeto esanda / *hobe esanda
Egokia al da honako sailkapen hau?:
Realak gaizki jokatu du; hobe esanda, Zaragozak ondo jokatu du. (oker)
Realak gaizki jokatu du; hobeto esanda, Zaragozak ondo jokatu du. (zuzen)
Hobe izenondoa denez, ez da zuzena funtzio horretan; adberbioa behar du: hobeto, hobeki. Bigarrena da zuzena, beraz. Bestalde, Euskaltzaindiaren Hiztegiak berariaz gomendatzen du lehen moldea ez erabiltzeko [EH:hobe].
Informazio gehigarria:
- "hobe izan (*hobe esan)" (EBE)
- [Euskera 39, 1994-3:952]
Zalantza-mota: sintaxia > esapideak
Unitate-mota: hitzak > adberbioak, joskera > diskurtso-markatzaileak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
