Leku-izenak

(...)
Elexalde // Izen osoa: Elexalde etorbidea eta Elexalde parkea / Avenida Elexalde y Parque Elexalde // Etorbidea: Iparragirre kalean hasi eta gora Aldekoena auzora heltzen den errepidea. // Parkea: Elexalde etorbidean udaletxera heldu aurretik dagoen parkea. // Elexalde auzo-izenak adierazten duen bezala, eliza dagoen aldea da. Hortaz, Elexalde etorbidea, jakina, Iparragirre etorbidetik gora Aldekoena auzora doan errepidea da. // Iñaki Ugarte Uriartek Leioa: sus barrios y pluralidades liburuan dio: “Al otro lado de la estrada de Ollar-ondo, en lo alto de la loma está el caserío “Legunti” […]”, aipamen horrek pentsarazten digu garai batean Elexalde etorbidea Ollarrondo izenaz ezaguna izango zela, hori dirudi. Era berean, jakin behar dugu izen hori Elexalden zegoen Ollarrena izeneko etxalde-izenetik eratorria dela, Ollar eta ondo hitzez eratua. Etxaldea, ordea, ollar (seguru asko bertan bizi zenaren goitizena) eta -ena atzizkiaz, hain zuzen ere, etxe izenetan maiz erabiltzen dena. // Ikus Elexalde toponimoa
(...)