Leku-izenak

(...)
[-Di, -doi, -dui/-tui/-du atzizkia. Eslaba] Hemen arta (< arte) zuhaitz-izena eta -duia ditugu. Toki-izen honen berezitasuna atzizkian datza: ikusten denez, gehienetan ez bezala oraingoan -dua dugu, ez -duia. Honen arrazoia izen hau sarritan elkarturik erabilia izateari zor zaioke, Artadu(a) huts-hutsik oso gutxitan azaldu arren posposizio batez lagundua maiz edireten baitugu: Artadualdea, Artadubarren, Artaduburua, Artadugibela, Artaduondoa... eta hau da, nonbait, tarteko -i- hori eror arazi duena [Ikus, alabaina, DAON-n dioguna]. Artadua-rekin batera, eta honen ordainetan, La Lecinosa agertzen da Eslaban, eta hau proposatzen den etimologiaren alde mintzo da, ezbairik gabe.
(...)

(...)
Gure ustez Artadua lehenagoko *Artaduia batetik atera da, eta osagaiak arte-ren elkarketa-eratorketako aldakia den arta- eta -dui atzizki multzokariaren aldaera den -du dira (ikus atzizkiari eskainitako atalean dioguna). Azken honen -dui > -du pausoa *Artadui posposizioz lagundurik agertzeari zor bide zaio. Zernahi gisaz, hor dugu Lergako Zamakidu (< *Zamakidui), Ameskoako Ezpeldu [L. Lapuente, TAM, 408. or.], eta Artzibarko Aristu herri izena, besteak beste [Ikus DAON-en dioguna]. Alderdi honetan arteak nonahi sortu eta azkar handitzen dira. Artadua erdal La Lecinosa-ren baliakidea zen, eta bertan gaztelua izan zen lehenik eta Ama Birjinari eskainitako ermita gero, egungo La Venta-n (ikus sarrera hau). Toponimo hau artikulurik gabe ere aurkitu dugu.
(...)