(...)
[Dermio baten zatiketa. Mendia] Honek gure alderdian 'gaina' adiera ohi zuen: Mendi Agezan, Urkamendia (Alto del Guarro egun), Sulumendi (Alto de Sule orain) Uxuen...baina behin edo beste 'sierra' adiera ere izan du (cf. Sierra de Aldeko mendia Aldean) [Sierra-ren euskarazko ordaina eskuarki bizkaia izan dela dirudi, Leatxeko Bizkaia toponimoa aztertzean diogunez]. Galipentzun, gainera, erdarazko cantón edo cantera 'muino, mendiko luzea'-ren baliakide izan zitekeen (ikus herri honetako toponimian aztertzean Larrañetako mendia sarreran dioguna). Formaz den bezainbatean, oinarriari zuzenean erantsia egon daiteke (Arizketamendia Agezan, Sulumendi Uxuen), baina -ko-ren bitartekotzari ez dio muzin egiten: Anduko mendia (Lerga), Larrañetako mendia (Galipentzu). Toponimoaren lehen osagai gisa ere sarritan aurkitzen dugu: Mendiandia Epaizen, Mendiebakia (Galipentzu), Mendigorria (Uxue), Mendibil, Mendixuri (Leatxen, Menditxuri Oibarren), Mendizabala (Moriones)...
(...)

(...)
Sierra de Aldea, euskaraz Aldeko mendia deitzen zena da, alegia, Aldeko eremu menditsu guztia (Monte de Aldea, San Clemente, El Chaparral...). Badakigu, XVIII. mendeko agiri batek erakutsita, alderdi honetako belarra saltzen zela. Monte de Aldea San Clemente eta El Ginebral-en arteko mendia da, eta itxuraz bederen ez da Aldeko Mendia edo Sierra de Aldea-rekin nahastu behar.
(...)

(...)
Sierra de Aldea sarrera aztertzean esan denez, Aldeko mendia (Aldea + ko + mendia 'zerra') Sierra de Aldea-ren baliokide euskalduna da. Dugun lekuko bakarrean baliokidetasun hori oso garbi azaltzen da. Seguraski gaurko Monte edo Montico de Aldea eta Sierra de Aldea edo Aldeko mendia ezberdinak ziren, lehena txiki samarra den bitartean bigarrenak Aldeko eremu menditsu osoa adierazten zuela irudi duelako.
(...)