(...)
Izen honen etimologiaz ikus -ain atzizkiari eskainitako atalean dioguna. Aldaera bat baino gehiago aurkitzen ditugu agirietan: marquiriayn (1592), maquirriayn (1596), marquelayn (1616)..., baina arruntena egun Makirriain idatziko genukeena da (ikus Barrankoa). Dauzkagun lekukoek Makirriain Gorrio-n edo Gorrio ondoan zegoela erakusten digute, Iparragerria-ren alboan, Agezabidea edo Camino de Ayesa-ri hurran (ikus Iparragagoiena eta Jaun Done Julio sarrerak), Martxelaren gaineko aldean beraz. Itxura guztien arabera Barranco de Makirriain gaurko Barranco de la Fuente de Carlos bera zen, edo honen zati bat bederen (ikus Oreingibela eta Oreingibelgaña sarrerak).
(...)

(...)
Orein eta gibela-z osatua dago. Aurreko toponimoarekin zerikusi handia dauka, dermio beraren beste alderdi bat adierazten baitu. Hemendik Barranco de Oreingibela edo Barranco de Oreingibelgaña igarotzen bide zen (beheitiagoko Barranco de Makirriain, irudiz), hots, gaurko Barranco de la Fuente de Carlos bera (ikus Oreingibelgaña).
(...)

(...)
Hemen erdarazko barranco arruntaren euskaratzea dugu, bistan denez (cf. Errekandia orokor eta biziarekin batera dokumentazioan behin edo beste ageri den Agezako Barrankoandia). Dirudienez Gorrio-n sortzen den Barranco de Makirriain (Barranco de la Fuente de Carlos orain)-en esanahikidea zen.
(...)

(...)
El Huerto de Carlos deritzan baratzean egoteari zor dio iturri honek izena. Soroko aldean sortzen den Barranco de la Fuente de Carlos-en dago, Río de la Magdalena-tik hurbil. Errekaren izen zaharraz ikus Makirriain eta Oreingibela sarrerak.
(...)