(...)
Ezporogin Azekialdea dugu XVI. mendean (ikus sarrera hau), eta azekia horren itzulpena datekeen La Acequia 1894eko katastroan. Galipentzun Zequiasarra (1691) izena dugu, ikus daitekeenez hasierako bokalaren aferesiaz, erdaraz ohizkoa den bezala (cf. Cequia del Molino viejo Galipentzun, 1591n). Orba ibarreko Santsomainen Azekieta ["otra pieza en la endrecera de zirieta ô azequieta", PRA-Oibar, 96. k., 1816.] genuen. Azekiak sarri errotenak izaten dira, hots, errotetara ura eramateko egiten diren ubide bereziak. Gure alderdian, alabaina, errekasto txiki eta sakontasun gutxikoei ere azekia izena ematen zaie.
(...)

(...)
La Fuente behialako Iturrigibela-ren iturri-a dela dudarik ez dago. Ez dakigu zequia hau aztertu ditugun La Acequia eta Azekialdea-rekin zerikusirik bazuen, baina garbi dago Agezako muga alderik heldu den errekastoa dela. Egungo El Soto-ko La Fuente "hartua" dago, hau da, herrira bideratu dute, bertan ura izateko. Baserrekandia-rik hirurehun bat metrotara dago, El Monte aldera.
(...)