(...)
Loiako mugatik hurbil dago eremu hau, dirudienez despoblatura doan xendaren ondoan, Azterain-en. Izena bertan zegoen ermitari zor zaio. Edozein modutan, eta pentsa daitekeenaren kontra, eremu hau Eslaba barruan dago, nahiz Loaiako mugatik gertu bada ere.
(...)

(...)
Pérez Ollok dioenez [EN, 89. or.] 1802an Igual de Soria apezpikuak Magdalenari eskainitako ermita bota eta Ermita de la Virgen izenekoan aipatu sanda horren irudia jartzeko agindua eman zuen. Eslabarrek, ordea, ez zuten jaramon handirik egin, eta Magdalenakoa eraitsi behar bidean, Andre Dona Mariari eskainitakoa bota zuten, eta bestea berriztatu. Autore beraren arabera, La Magdalena Loiako bidean zegoen, herritik hiru ordu laurdenetara, eta hau aintzat harturik oraingo eta dokumentazioko Ermita edo Ermitica de Loya-rekin identifika liteke agian. Gure informatzailearen ustez, ordea, La Magdalena Erbiñaga-n zegoen, eta dokumentazioak ere eritzi hau baieztatzen du (ikus Erbiña sarrera).
(...)