(...)
ANTXI: Markina-Etxebarriko toponimoa (A. Irigoyen, "Zeruko Argia": "Yon Etxaideri erantzuna", Maiatza 6, 1979, 828 lum.). Francisco ote? (Ikus Antxiko).
(...)

(...)
ANTXIKO (Francisco): Azkueren hiztegian agertzen da "liro" (triste) hitzean. Erronkariko Bidangozen jaso zuen: "Begiak liro zazkan atzo Peio-k, argi Antxiko-k" (Pedro tenía ayer tristes los ojos, Francisco alegres). Itzulpena ere Azkuerena da. Zorigaitzez ez du esaten nori jaso zion. "Particularidades del dialecto Roncalés" liburuan ere jartzen du adigarri hau Azkuek, "Vocabulario" deritzanean, 200-gn. paian, "triste" hitzean. "Antxiko": Untzilla-Aramaioko baserria (Eleizalde: Listas Alfabéticas de voces toponomásticas vascas, RIEV-XIII, 1922, 422 P.). "Antxikorena" (Antxiko-rena) etxondoa Nafarroako Oroz-Betelun zegoen (gaur deuseztua). Ikus: Toponimia de Oroz-Betelu, "Fontes Linguae Vasconum", 197 1, 9 lum., 335 p. Egilea: Benito Urtasun. Etxondo onetatik sortutako deiturarik ez ote? Badaiteke, baina Nafarroako telefonuko zerrenda-liburuan ez dut aurkitu ahal izan Antxikorena bat bakarrik. Honek ez du esan gura, ordea, patronimiko zoragarri honek deiturarik formatu ez duenik. Horrelakorik segurtatu baino lehen, Nafarroako egunkarien eskeletan, aluntziotan eta albisteetan azterketa sakon bat egin behar da, hala nola jaiotza eta heriotza agiritan edo beste dokumentutan. Gogoan har, Antso-k lehenbiziko kontsonantea ("S") galtzen duen bezala, Antxikok bi kontsonante ("FR") galtzen dituela
(...)