-ero/-oro/-ro

-ero/-oro/-ro

FORMA. Euskaltzaindiak oraingoz ez du arau-gomendio espliziturik eman atzizki-aldaera hauetaz, baina Euskaltzaindiaren Hiztegian badira araututako idazkerak, eta, ageriko irizpiderik ematen ez badu ere, honela jokatzen du:

-ro egiten da, hitza -a, -e edo -i bokalaz bukatzen bada: aldiro, arratsaldero, asteartero, astero, hilabetero, igandero, iluntzero, udaberriro, udaro, urtero (domekero, hala ere)

-ero, hitza kontsonantez bukatzen bada: asteazkenero, astelehenero, egunero, goizero, hamabostero, hilero, larunbatero, ostegunero, ostiralero, udazkenero

-ero, orobat, hitza diptongoz edo -o/-u bokalaz bukatzen bada: gauero, jaiero, minutuero, neguero, orduero, segundoero

-oro: ez da inoiz loturik ageri; agertzekotan, beti bereizirik: une oro, egun oro(z), aldi oro(z)...

Forma desegokiak dira hauek: egunoro, goizoro, gauoro... [EH]

 

DENBORA-MAIZTASUNEKO EGITURAK. -ero/-oro/-ro atzizkia ez da egokia <zenbatzailea + izena + -(e)ro> egituran [110. araua]:

*hiru astero, *lau urtero... > hiru astean behin, hiru asterik behin, hiru astetik behin, hiru astez behin

*Bi orduero heltzen da trena > Bi orduan behin heltzen da trena / Bi ordurik behin... / Bi orduz behin... / Bi ordutik behin...

*Plangintza bost urtero berritzen da > Plangintza bost urtean behin berritzen da / Plangintza bost urterik behin... / Plangintza bost urtez behin... / Plangintza bost urtetik behin... ( *zenbatero > zenbatean behin, zenbatetik behin; zenbatzaileak eta maiztasuna (lau astean behin, astero... *zenbatero (> zenbatean behin)))

 

Gehiago jakiteko

EUSKALTZAINDIA (2005). Euskal Gramatika. Lehen Urratsak VI (EGLU VI). Bilbo: Euskaltzaindia (88).

— “Denbora adieraztea: -ero/-oro atzizkia (ordu erdiro, ordu laurdenero)”, Jagonet galde-erantzunak.

— “Denbora adieraztea: -(e)n aldiro, naizen aldiro, naizenero”, Jagonet galde-erantzunak.

EHUko Euskara Zerbitzua (2013). "-ero, -oro, -ro (maiztasun-atzizkia)", Ehulkuren aholku guztiak.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
z-library z-lib project
Casino siteleri arasında yerinizi alın, kazançlı çıkmanın keyfini sürün! Heyecanı kaçırmayın.
© 2015 Your Company. All Rights Reserved. Designed By JoomShaper