Alejandro (es), Alexandre (fr)

Grezierako Aléksandros 'gizonen aldezlea' ponte izena Alexander bihurtu zen latinez, eta hizkuntza honetatik etorri da gurera, Deun-ixendegi euzkotarra (Arana eta Eleizalde, 1910) lanari esker. Izen hau eraman duen pertsonaiarik ezagunena Mazedoniako Alexandro handia da, K. a. IV. mendean Greziatik Indiaraino hedatzen zen inperioaren sortzailea. Bestalde, Tapia Perurena idazle iruindarra honela deitu zen. Honen hipokoristiko ezagunena Alex da. Izan duen erabilera zabalaren lekuko da izen honetako berrogei santu baino gehiago egotea.
Aldaerak: Alesander (Deun-ixendegi euzkotarra) eta Alexandro.

Alejandra (es), Alexandra (fr)

Herriak sortutako Alesandere izenaren aldaera. Ikus Alexandra.

Alejandrina (es), Alexandrine (fr)

Latineko Alexandrinusetik dator, eta hau Alexandrotik.

Alejo (es), Alexis (fr)

Grezierako Aleixos 'aldezlea, babeslea' pertsona-izena San Alexorenganako jaierari esker zabaldu zen Erdi Aroan. Kondairak dioenez, ezkondu zen egun berean emaztea utzi eta bere ondasun guztiak banatuta Lur Santura joan zen erromes. Mariaren Mirabeak (Serbitak) izeneko ordenaren zazpi santu sortzaileetakoa izan zen. Basamortuan bakardadeko bizia egin ondoren Italiako Toscana aldean predikatu zuten. Alejo Falconeri santua hil zen egunean, otsailaren 17an, gogoratzen ditu Elizak zazpi sortzaileak.

Alfonsa (es)

Alfonsina (es), Alphonsine (fr)

Germaniar jatorriko Alfontso gizon izenetik sortua. Iberiar penintsulako zenbait errege horrela deitzen zirelako hedatu zen bertako erresuma batzuetan. Euskal Herrian, berriz, historian zehar ez da sobera erabili.

Alicia (es), Alice (fr)

Ikus Alizia.

Alicia (es), Alice (fr)

Deun-ixendegi euzkotarra laneko (Arana eta Eleizalde, 1910) Keltse eta Dare moduko izenen analogiaz XX. mendean sortutako izena. Ikus Alizia.