(...)
Era de Iturralde edo Era de la Casa de Iturralde ikusita pentsatzen den lehenengo gauza zera da, izen hauek Casa de Iturralde baten larraina ematen dutela aditzera, eta Iturralde, orain ohizkoa denez, etxearen nagusiaren deitura dela. Alabaina, Iturria eta Iturraldea hidronimoak aurkitu ditugula kontuan edukirik, uste dugu etxe horri Casa de Iturralde deitzen zitzaiola ez nagusiaren deitura hori zelako, Iturralde dermioan zegoelako baizik, hau da, Iribarren auzoko iturritik (Iturri-tik?) hurbil zegoelako (ikus Iribarren sarrera), eta Barrio de Iturralde-z gauza bera esan daiteke, hau iturriaren inguruko etxeek osatuko baitzuten. Gogoan hartzekoa da, berebat, egun oraindik ere bizirik dagoen eta herri ondotik igarotzen den Barranco de Iturralde [ìturrálde] erreka izena. Ubide hau Barranco de los Linares bera da, eta Barranco de Iturralde izena bakarrik herritik Santa Bárbara bitartean ematen zaio.
(...)