(...)
Burunda [burúnda] Uxueko mugan dago, Mendiandia eta La Facería-ren artean. Izen honen etimologia ez dago bat ere garbi: Arabako Foronda eta Nafarroako Burunda-rekin erlaziona liteke (cf. Berme / ferme eta on > un bezalakoetan gertatzen den sudurkari aurreko o > u hersketa) latineko frons, frondis 'follaje'-ren eratorria den fronda 'landaretza ugariko tokia'-ren eratorritako hartuz, baina lekukotasun zaharrik ez izateak seguritatez mintzatzea galerazten digu. Beste azalbide bat Reta Janárizena izan daiteke: autore honek buru izena eta ondo 'aldamena' posposizioaren "aldaera" omen den onda proposatzen ditu toponimoaren osagaitzat. Bigarren zatiari dagokiona ontzat har daiteke, euskara galdutakoan burutu desitxuraketaren fruitu gisa: cf. Talaionda Eslaban, Atalaiondoa-tik ateraia, edo Balatuenda Leatxen, Nobeletaondoa-tik, Aldaionda Murillo el Fruton, *Aldaiondoa-tik. Oztoporik handiena lehen osagaiari dagokio, gure alderdian behintzat Muru- azaldu ohi baita hasierako lekunean, ez Buru-, salbuespenak badiren arren (ikus Lergako Muru sarrera). Hirugarren azalbidea, eta gure irudiz egiantzik handiena duena, dokumentazioko Drinda-rekin lotzen duena da. Izan ere, aurkitu ez dugun *Drunda aldaera geneukala onartuz gero osos erraza litzateke lehenbizi horzkari-disimilazioz *Brunda ateratzea, eta hemendik geor bokal anaptitiko baten sartzeaz edo herri-etimologiaz (Arabako mugako Burunda-n oinarriturik agian) egungo Burunda. Lergaren mugakidea den Orba ibarreko Oleta herrian Drundagaña dugu 1646. urtean [PRA-Oibar, 25. k.] , Druanda 1770ean [PRA-San Martin, 49. k.], La Brunda gaurregun.
(...)